NAPILITAN SIYANG MAGTUNGO SA AMERICA. AFTER 5 YEARS, NAGBALIK SIYA SA PILIPINAS NA MAY KASAMANG BATA

تفصیل

Amihan Stories Love Story | FULL STORY: NAPILITAN SIYANG MAGTUNGO SA AMERICA DAHIL SA KASALANAN NG KANYANG AMA. AFTER 5 YEARS, NAGBALIK SIYA SA PILIPINAS NA MAY KASAMANG BATA. MULI SILANG MAGKIKITA NI EX. Pinoy story Written by: Zxoul Aehco Revised and rearranged by: Gael Narrated by: Sasa Edited by: Amihan Title: My Ex-Girlfriend Returned with Our Daughter Exclusively written for Amihan Stories Nanatili lang silang mag-ina sa kanilang bahay. Hinihintay niyang umuwi ang kaniyang ina, pero mukhang sinasadya nitong iwasan siya— na labis namang ikinalulungkot ni Lianne. Hindi kasi iyon ang inaasahan niya. Pagsapit ng hapon ay maaga ngang nakauwi si Lester mula sa trabaho. "Si mama, ate?" tanong agad nito. "Hindi pa umuuwi, eh." "Ah . . . ganoon ba? Baka napahaba ang tsikahan sa mga kaibigan." Napabuntonghininga si Lianne. "Huwag mo nang pagtakpan si mama. Alam ko namang ayaw niya akong makita. Nasa kwarto nga pala si Amber— nagbibihis na. Ang sabi ko sa kaniya, papasyal kayo sa mall. Ikaw na muna ang bahalang magbantay sa pamangkin mo, ah. Binilinan ko naman siyang huwag maglilikot at nangako naman siya sa 'kin." "Okay, ate. Huwag mo nang alalahanin si Amber. Ako na ang bahala sa kaniya." "Sige, tutuloy na ako." "Sige. Ingat ka, Ate." "Kayo rin." Ilang minuto ang naging biyahe ng sinasakyang bus ni Lianne, bago narating ang kulungan kung saan limang taon ng nakakulong ang ama niyang si Maximo sa salang pagpatay kay Renato Rodriguez— ang ama ni Elton. Ang papa ni Lianne ay trabahador sa pabrika ng asukal ng mga Rodriguez noon sa Tarlac branch. Nang araw na maganap ang trahedya ay mabigat ang pagtatalo sa pagitan ng dalawa. Naitulak ng kaniyang ama sa may hagdanan si Mr. Rodriguez, dahilan para isugod ito sa ospital at kalaunan ay bawian ng buhay. Sa pagkamatay ni Mr. Rodriguez, sunod-sunod ang dagok na dumating sa kanilang pamilya. Nakulong ang kaniyang ama, habang ang relasyon niya kay Elton ay nagkaroon ng lamat at tuluyan silang nagkahiwalay— na isinisi niya rito sa matagal na panahon. Subalit ngayo