From Scratch Moroccan #26 | شنو خصك دابا باش تبدا خدمتك كديفلوبر فجوجل ؟

تفصیل

فهاد الحلقة من From Scratch Moroccan، عبد الفتاح الصغيور، مهندس مغربي فـ Google Cloud، بدا الرحلة ديالو من السيبير فـفاس، وكان كيقلب على كيفاش يتعلم البرمجة بوحدو، حتى لقاتو جوجل عبر LinkedIn وصيفطات ليه إيميل باش يلتحق بيهم! البداية ديالو ما كانتش سهلة، لا فـ النقط ديال الباك ولا فـ المسار الدراسي، ولكن كان عندو شغف بالبرمجة، وبدا بكري كيتعلم بوحدو فـ السيبير. وصل لمرحلة اللي LinkedIn ديالو هو اللي جاب ليه الإيميل من جوجل، وبدات المغامرة الكبيرة. فهاد اللقاء، كيهضر عبد الفتاح على بزاف ديال المواضيع: كيفاش LinkedIn يمكن يبدل حياتك، شنو الفرق بين الكلاود واللوكال بلغة بسيطة، كيفاش تتعامل مع العروض ديال الشركات الكبرى، وشنو خاصك دابا باش تكون مستعد تخدم مع عمالقة بحال Google وMeta. ما نساوش طبعا الحديث على SaaS، الذكاء الاصطناعي، وشنو غادي يولي دور الديفلوبر فالمستقبل. واش فعلا غادي يعوضونا الآلة؟ ولا خاصنا نأدابتيو ونتعلمو كيفاش نستغلوها لصالحنا؟ الحلقة زوينة، ملهمة، ومليانة نصائح لكل واحد باغي يبدا من والو ويوصل بعيد، خصوصاً فـ العالم ديال التكنولوجيات الحديثة.