الجفراني - ياذيب قلبي جسور || 2026

Description

إشترك في قناة الجفراني الرسمية للوصول إلى أحدث إصداراته الفنية: www.youtube.com/@Aljafrani الجفراني - شراع التحدي | 2026 منقية رجل الاعمال موسى محمد الموسى " مصيحات " كلمات : سلطان بشير توزيع ومكس : تون لايف الكلمات: هدت سباع الخلا والذيب الاسحم قنب في راس رجمن يخايل قمته من رقاه متشهلن فالسماء ومعلقن فالسحب كنه ورى الغيم يسبح في فضاه وسماه يرقاه من يونس بصدره حميم اللهب يمكن اتعالج اجروحه خنةٍ من هواه يا ذيب قلبي جسور ولا يحب الصخب من كثر ما دار راسي من علوم الرواه الي ما ذاق العزاير ما يدوس الصعب الراي ما يقطعه غير الزحول الدهاه علق شبوح الهقاوي يا عريب النسب ما يبلغ المجد غير الي يعانق هواه ان ما لقيت الجواهر في كنوز الذهب والا قطعت الضما من فوق نقع الصفاه ترى حماس المغامر من فنون الطرب ياللي تدرى عن المقسوم ما من نجاه انفض شراع التحدي والشجاع يغلب لا صار جنبه متين ويدحم الي يباه لا تطلبون السماحه من جناب الغضب من حط كفه على جمر المليله كواه وضح البدارين جتكم مع طرفها جنب ترزف وهداتها تلطم خشوم الطغاه عزاوي الجوخ الاحمر والعقال القصب مصيحه والبويضاء والزعول الفتاه روس الدواسر هل الوقفه زحول السرب حماية البل على سرج الاصيل الصهاه يوم المقمع يحشى والفتيله تشب نواجلن نقشهم يفضخ عيون الرماه حول عليكم يا اهل سحج العشاير غضب الله يعين الغشيم الي يجي في نحاه مير اخبروا من سلم منكم سلامة عطب يقنع بمقسوم ربي ويتحمد قضاه الشوط محسوم للموسى مع اطلق شنب لا تدرعون الجحيم الي حطبها غضاه ما بين صلو السعير وبين لفح المهب حتى عروق النوامي هشمت فالفلاه مصيحات السعد ومصيحات النخب صمخٍ يخلي عديم الذوق يزحف وراه فردي من ادنى وشولٍ لا عرض تنطرب مثل الخرز والجواهر فوق عنق المهاه ما ينكخ الا الغزايز من دهاة العرب الي يحبونها حبً رفيع مداه غرامه الفارع الي نييها للحجب متسنده كنها تنهض وترقى نباه من عقّـبهَا المنهزع والغارب المنتصب خطرن تنكس ليا اوحت للبيد وصداه وجهن يشعشع سما ماهوب وجهن خنب ما قام في لحيها الراعي يلوح عصاه والخشم قوسٍ مهلل مثل قوس الحدب وسبالها الراهيه تشبه كموم العباه غزيزة الي مقامه في صدور الادب شيخن اتسطر فعوله في رفوف الرواه ساق الملايين فيها ما استشار وحسب واليوم باقي عن المليار حذفة حصاه ــــــــــــــــــــ للتواصل : أ.فيصل 0591