ليه ناس كتير وهي داخلة على الـ30 حاسة إنها لسه موصلتش؟

Deskripsi

لأننا اتربينا وإحنا فاكرين إن في سن معين لازم نكون حققنا فيه كل حاجة: شغل كويس، فلوس، جواز، سفر، بيت وحياة شكلها مكتمل. وبعدين بنفتح السوشيال ميديا، نلاقي واحد اتجوز، واحد سافر، واحد فتح مشروع، وواحد اشترى بيت. وفجأة بدل ما تشوف إنت وصلت لفين بتبدأ تحسب إنت متأخر عنهم قد إيه، وهنا المشكلة. لأنك بتقارن كواليس حياتك، بأحسن لحظة حد اختار يعرضها من حياته. الحقيقة إن مفيش Timeline واحدة لازم كلنا نمشي عليها. ومفيش سن معين المفروض تكون عنده «وصلت». النجاح مش لحظة كبيرة بتحصل فجأة، هو خطوات صغيرة بتعملها كل يوم، حتى لو محدش شايفها. فبدل ما تسأل: أنا ليه موصلتش زيهم؟ اسأل نفسك: أنا النهارده أقرب من امبارح لهدفي ولا لأ؟ لأن أخطر حاجة تعملها في نفسك، إنك تعيش حياتك كلها على مقاس حياة شخص تاني. ❤️ #الطب_النفسي #الصحة_النفسية #دكتور_نفسي #رحلة_التعافي #مستشفى_موافي تعافيu2069