FILIPINO MASS TODAY SUNDAY || May 10 ONLINE MASS | REV FR DOUGLAS BADONG

Deskripsi

Catholic Church Mass Today May 10, 2026 Playback Online Mass Rev Fr Douglas Badong, Parish Priest May 10 Featured Playback . Banal na Misa IKA-ANIM na Linggo ng Pasko ng Muling Pagkabuhay (A) Sunday Mass . Filipino Mass Philippines MABUTING BALITA Juan 14, 15-21 Ang Mabuting Balita ng Panginoon ayon kay San Juan Noong panahong iyon: Sinabi ni Hesus sa kanyang mga alagad: “Kung iniibig ninyo ako, tutuparin ninyo ang aking mga utos. Dadalangin ako sa Ama, at kayo’y bibigyan niya ng isa pang patnubay na magiging kasama ninyo magpakailanman. Ito’y ang Espiritu ng katotohanan, na hindi matanggap ng sanlibutan sapagkat hindi siya nakikita ni nakikilala ng sanlibutan. Ngunit nakikilala ninyo siya, sapagkat siya’y sumasainyo at nananahan sa inyo. “Hindi ko kayo iiwang nangungulila; babalik ako sa inyo. Kaunting panahon na lamang at hindi na ako makikita ng sanlibutan. Ngunit ako’y makikita ninyo; sapagkat mabubuhay ako, at mabubuhay rin kayo. Malalaman ninyo sa araw na yaon na ako’y sumasa-Ama, kayo’y sumasaakin, at ako’y sumasainyo. “Ang tumatanggap sa mga utos ko at tumutupad nito ang siyang umiibig sa akin. Ang umiibig sa akin ay iibigin ng aking Ama; iibigin ko rin siya, at ako’y lubusang magpapakilala sa kanya.” Ang Mabuting Balita ng Panginoon.