سلام ياعز الخوي | خالد ال بريك | اصادم الدنيا بعزم يثني ارقاب الصعاب 2026

Description

للتواصل والاستفسارات : الحسابات الرسمية ​ ‏Official WhatsApp : https://api.whatsapp.com/send?phone=501781755 __ هبت نسانيس الصباح و خاطري يبغى الجواب عن كل ماعكر هدو ليله غدى فيه حسفه تاخذني الذكرى على رحلة ذهاب بلا اياب واقول ياحاضر سنين العمر مامات شغفه ودي لو احلامي تشع النور في وجه الغياب واشوف ضحكة طرف عمري يوم واصل لهدفه مافيه صعب بشاية المولى ولا فيه ارتياب واعداء النجاح الله يخليهم بحسرة ولهفه من فضل ربي من صغر سني ما لينّت الجناب للي يكيل الغيض واطراف السوالف تكشفه لان الاساس اللي يعمّر بالضعافة للخراب حتى ولو يبنى من الفولاذ سوره و سقفه ياما تطرقت لجوابٍ ودي انه ماهو جواب لكن في كثرة مجاملة الرياجيل ضعفه ياهل القلوب البيض فيه قلوب من سود الهضاب والبرق حتى نازح الضلعان نوره يكشفه ودك يصير الرجل له مبدا وله مخلب وناب حتى لو تهب العواصف صلب ما لان طرفه اعرف مراكيض الثعل و اعرف محاويل العقاب ماني غشيم يجذبه حكي العقول المرجفه ولاني بشايب مير جربت وتعديت الشباب واخذت من نار التجارب نور علم ومعرفه ان صبت من ربي ومن نفسي ليا اخطيت الصواب والعبد لولا الله تعالى ما تماصى بهدفه ما اشوف قدمي مستحيل اشوف قدمي جحر داب اطى على بابه و اعدي للنجوم المشرفه اصادم الدنيا بعزم يثني ارقاب الصعاب عبد سلاحه دعوة لله و أنسه مصحفه ان كان ماصار الفتى ضلع له ركون وحجاب تومي به الدنيا مثل غصنٍ على راس شرفه ادوابي الهاجس وعشت بمرحلة شبه اغتراب وانا مرادي غير واسباب اغترابي مجحفه لو يشتكي متني ثقيل الحمل وانواع العذاب عهدٍ قطعته لو يطول الوقت ماني مخلفه سلام ياعز الخوي سلام يادمث الجناب دايم فعولك بين عطران الشوارب مكلفه على خطى شايبك ما انت بمثل طرّاد السراب العود قامه فالمراجل وانت بك نفس الصفه يابن جريبيع انت من ربع يفكون الرقاب لاد المقاطي فزعة المصغر و ستر المترفه من ربعي الهيلا هل الطالات مروين الحراب اهل الفعول اللي يسطرها الفخر في متحفه بفعولنا في ماضي الايام ساراًّ الركاب بالسيف الاملح ماتزعمنا الفخر مستعطفه اللي يعادينا نضيق به وسيعات الرحاب واللي يوالينا يحوز المجد ويزود شرفه