NANG MULING MAKITA NG CEO ANG BABAENG PINATANGGAL SA TRABAHO INALOK NIYA ITONG MAGING TUTOR NANNY NG

Description

ISTORYA NI AMIHAN LOVE STORY | FULL EPISODE: NANG MULING MAKITA NG CEO ANG BABAENG PINATANGGAL SA TRABAHO INALOK NIYA ITONG MAGING PRIVATE TUTOR AT NANNY NG ANAK NIYA. TINAWAG NG BATA NA MOMMY ANG DALAGA | Tagalog Love Story | TAGALOG STORY | love story tagalog CEO Series PLAYLIST link - https://youtube.com/playlist?list=PLmAopaeiPuS9G5wDdliRJNVNOzAVCZzBN&si=V65aqiDjV8ex7PNn Written by: Gael Aragon Narrated by: Sasa Edited by: Amihan Title: Single Dad CEO at ang Babaeng Walang Pahinga (CEO Series 8) Exclusively written for Istorya Ni Amihan Pagtapat ni Abraham sa pinto ay sumilip siya roon. Nakita niya ang anak na tulog na tulog sa kamang naroon katabi ang isang babaeng naka-blouse ng kulay dilaw at pantalong maong. Nakatalikod ito mula sa kinatatayuan niya kaya marahan lang ang pagbubukas niya ng pinto upang hindi magising ang mga ito. Nang makalapit si Abraham sa dalawa, sinilip niya ang babae. Nakatakip sa mukha nito ang ilang hibla ng buhok nito, pero hindi naman maitatago niyon ang matangos nitong ilong at makinis na kutis. Bahagyang kumibot ang mga labi nitong natural na mapupula. Bigla siyang napalunok at sa hindi malamang dahilan ay may kung anong damdaming lumukob sa kaniyang buong katawan. Napaatras si Abraham at hindi sinasadyang maapakan ang nakakalat doong laruan. Lumikha iyon ng ingay kaya nagising ang babae. "S-sir!" gulat nitong wika na babalikwas sana ng bangon, pero nakita nitong nakahawak sa damit nito si Aeron. "Ahm, yeah . . . I'm Aeron's father, Abraham Galvez. I'm here to pick up my son." "Oh! Pasensya na ho kayo, nakatulog na ho kami sa paghihintay sa inyo," mahinang sagot nito bago nilingon si Aeron. At kitang-kita niya kung paano gumuhit ang matamis na ngiti sa mga labi nito, ngiting may hatid na kakaibang init sa kaniyang dibdib. "Bago ka lang ba dito?" wala sa loob na naitanong ni Abraham. "Opo. Kanina lang ho akong umaga nagsimula." "Ah . . . kaya pala ngayon lang kita nakita." "Opo. Pero part-timer lang din po ako dito. Tuwing alas-singko ang pasok ko dahil ako na rin an