DI MAKADAMA NG SAKIT ANG BILYONARYO! SA ISANG SAMPAL NG BABAE SA YATE, NAGISING ANG KANYANG DAMDAMIN

Description

ISTORYA NI AMIHAN LOVE STORY | HINDI NAG-ATUBILI SI SILVIA NA ILIGTAS ANG LALAKING NAKILALA SA YATE, AKALA NIYA AY PINAGTUTULUNGAN ITO. MAY LIHIM PALA ITONG SAKIT AT ITO RIN ANG MAGIGING BOSS NIYA. SIYA PALA ANG LUNAS SA KARAMDAMAN NITO | TAGALOG STORY | love story tagalog Written by: Maybel Abutar Narrated by: Sasa Edited by: Amihan Title: The Untamed Billionaire Boss Exclusively written for Istorya Ni Amihan "Talaga, Louisa? Isasama mo na ako sa Isla Caballero?" "Oo, Silvia. Kailangan ng dagdag na tauhan sa laundry section ng pribadong resort sa isla. Ikaw ang naisip kong isama dahil gustong-gusto mong makarating kung saan ako nagtatrabaho, at para magkasama na rin tayo." Halos magningning ang mga mata ni Silvia sa sinabi ng kaibigan niya. Nang malaman niyang umuwi ito kahapon, kaagad niya itong pinuntahan. Umaga pa lang ay naroon na siya, pero may pinuntahan daw ito at hapon na umuwi. Nakikain pa siya sa mga ito para lang hintayin ito. "Maraming salamat, Louisa. Kailan ka babalik sa isla?" "Bukas na bukas din. Tatlong araw lang kasi ang bakasyon ko. Ihanda mo na ang mga gamit mo at maaga tayong aalis. Kailangan nating maabutan ang biyahe ng yate pabalik ng isla." Hindi na napigilan ni Silvia ang pagkamangha. "Yate ang sasakyan natin?" Napahawak siya sa dibdib at tila hindi makapaniwala. Sa buong buhay niya, bangka pa lamang ang kanyang nasasakyan. Bigla niyang naalala ang isang malaking puting sasakyang pangdagat na nakikita lang niya sa telebisyon, at posibleng masakyan na rin niya ngayon. "Talaga bang sasakay tayo roon?" mahina ngunit nanginginig sa pananabik ang boses niya. "Oo. Iyon lamang ang tanging sasakyan papunta sa isla. Para iyon sa mga tauhan at bisita ng pamilya Caballero at ang maganda, libre iyon. Kapag hindi mo ako kasama, hindi ka makakasakay sa yate," nakangiting sagot ni Louisa. Hindi mapigilan ni Silvia ang mapangiti nang malaki. Halata ang paghanga niya sa kanyang kaibigan at sa nararanasan nitong karangyaan ngayon. "Napakaswerte mo naman, Louisa. Ang sosyal ng buhay mo sa is