CEO NAGPANGGAP NA WAITER UPANG ALAMIN KUNG SINO ANG NANABOTAHE SA EXECUTIVE CHEF.MAPAPAIBIG SYA RITO

الوصف

Amihan Stories Love Story | FULL STORY: CEO, NAGPANGGAP NA WAITER UPANG ALAMIN KUNG SINO ANG NANABOTAHE SA EXECUTIVE CHEF.MAPAPAIBIG SIYA RITO. MAGTUTULUNGAN SILA SA PAREHONG PAKAY SA HOTEL. PAANO PAG NALAMAN NITO KUNG SINO TALAGA SIYA? Pinoy Romance Audiobook | Tagalog Love Story | Love Story Tagalog | Pinoy story Written by: Rhod Selda Narrated by: Sasa Edited by: Amihan Title: My Waiter Boyfriend Is My CEO Boss Exclusively written for Amihan Stories "Sige, sir. Ihahahanda ko na rin ang main course," ani Alicia habang nagsasalin ng soap sa bowl na kan'yang isi-serve sa judges ng culinary competition. Iyon lang kasi ang paraan upang maging executive chef siya sa restaurant ng hotel na kan'yang pinagtatrabahuhan. Sandali niyang iniwan ang soup at inasikaso ang ibang pagkain. "Ako na po ang maghahatid ng main course, chef," ani Nick, ang kan'yang assistant. "Sige. Ako na ang magdadala ng soup." Nang maibigay kay Nick ang ibang putahe ay binalikan niya ang soup at ipinatong sa serving tray ang bowl. Palabas na siya ng kusina dala ang soup nang may lalaking waiter na bumundol sa kan'ya. Napatili siya at nabitiwan niya ang food tray na pinatungan ng bowl. "S-Sorry, chef," sabi ng lalaki at hinila siya palayo sa nabasag na bowl. "Ako na po ang magliligpit ng kalat. Palitan n'yo na lang ang soup," anito. Natitigilang tumitig siya sa guwapong mukha ng lalaki. Matangkad ito ng tatlong dangkal sa kan'ya, clean cut ang buhok, magaganda ang mga mata, matangos din ang ilong, at natural ang pamumula ng maninipis nitong mga labi. "S-Sige. Kukuha ulit ako ng soup," aniya at dagling bumalik. Tinulungan din siya ng lalaki na mai-serve nang maayos ang soap. "Salamat. Ano pala ang pangalan mo?" tanong niya sa waiter habang nakaabang sila sa hatol ng judges. "Ruki po," nakangiting tugon nito. "Pasensiya na kanina. Nagmamadali kasi ako at hindi kaagad kita napansin kaya nabunggo kita." "Okay lang." Mayamaya ay inanunsiyo na ang panalo sa kompetisyon. Napalundag sa tuwa si Alicia nang mabanggit ang kan'yang pangalan bila